பேச்சு வழக்கில் மரபுச் சொற்கள்

 

            வெற்றி பெற்றதை ‘வாகை சூடுதல்’ எனக் குறிப்பிடுவதுண்டு. ‘வாகை’ என்பது மணிமுடியினைக் குறிக்கும். மன்னர் காலத்தில் இருந்த மணிமுடி இப்பொழுது  இல்லாவிட்டாலும் அவர்கள் பயன்படுத்திய சொல் இன்று வெற்றி பெற்றோரைப்  பாராட்டப் பயன்படுகிறது.

            “தலை தப்பியது” என்னும் சொல் சிக்கலிலிருந்து விடுபட்டதனைக் குறிக்கும். தொடர்வண்டி இருப்புப்பாதையினை எப்பொழுதும் கடந்து செல்லக்கூடாது. தொடர்வண்டியின் வேகத்தைக் கணிக்க இயலாது. நொடிப்பொழுதில் கடந்துவிடும். சுரங்கப்பாதையையோ  மேம்பாலத்தையோ பாதையாக்கிக் கடக்கவேண்டும். அறியாமை நிறைந்த ஒருவர், தெரியாமல் இருப்புப்பாதையினை கடக்கும்பொழுது வேகமாகத் வந்த தொடர்வண்டி வேறு இருப்புப்பாதையில் சென்று விடுகிறது. இச்சூழலை அவருடைய ‘தலை தப்பியது’ என்னும் சொல் உணர்த்திவிடுகிறது.

            “மூக்கறு பட்டான்” என்னும் சொல் ஒருவர் தாழ்வு படுத்திப்பேசும் பொழுது அதற்கு அவரே காரணம் என உணர்த்திவிடுதல். ஒரு தேனீர் கடைக்காரரிடம் பால் காரர் “என்ன இது  தேநீரா” எனக் கிண்டல் செய்கிறார். நீ கொடுக்கும் பாலில்தான் தேநீர் அணியம் செய்தேன் என்கிறார். பால்காரர் ஏன் கேட்டு அவமானப்பட்டோம் என எண்ணுகிறார். இதுவே, மூக்கறுபடுவது.

            “தலை கவிழ்ந்தான்” என்பது  தோல்வியினைக் குறிப்பிடுவது. மட்டைப்பந்து விளையாட்டில் சதம் அடிப்பார் என அனைவரும் எதிர்பார்த்திருக்க, விளையாட்டு வீரர் அடித்த முதல் பந்து கோட்டுக்கு வெளியே செல்லாமல் எதிரணி வீரர் கையில் சிக்கிக் கொள்கிறது.  அப்பொழுது அந்த வீரர் மக்கள் எதிர்பார்ப்பை நிறைவேற்ற முடியவில்லை என தலை குனிந்து நடப்பார். இதுவே ‘தலை  கவிழ்தல்’ எனக் குறிக்கப்படுகிறது. இதனையே இழிவான வழக்கில் “மண்ணைக் கவ்வினான்” எனக் கூறிக் காயப்படுத்துவதும் உண்டு.

            “தலையில் கல்லைப் போட்டு விட்டான்” என்பது ஏமாற்றிவிட்டதனைக் குறிப்பிடுகிறது.  குடும்பத்தைக் காப்பாற்றுபவன் ஏதோ ஒரு விபத்தில் சிக்கிக்கொண்டால் அந்தக் குடும்பத்தின் நிலை என்னாகும். எனவே, முதுமையில் உள்ள பெற்றோர் என் செய்வர். எனவே, அவர்கள் “தலையில் கல்லைப் போட்டுவிட்டான்” எனக் கூறி  வருந்துவர்.

            “ஊசிக்காது” என்பது கூர்மையாகக் கேட்கும் திறனுடைய காதினைக் குறிக்கப்பயன்படுத்துவது வழக்கம். ஊசியின் காதில் மெல்லிய நூல் நுழைவது போல், காதில் மெல்லிய செய்திகள் நுழைந்தால் “ ஊசிக்காது” எனக் குறிப்பிடுவதனைக் காணமுடிகிறது.

            ஒரு பேச்சாளர் தொடர்ந்து சிறப்பாகப் பேசுகிறார் எனில்  அருவி போல் பேச்சு எனக் குறிப்பிடுவர். வாய்ப்பு கொடுத்தால் கருத்துக்களை அள்ளிக் கொட்டும் ஆற்றலுடைய பேச்சாளர்கள் உண்டு. அவ்வாறு பேசப்படும் பேச்சினை “மடை திறந்த வெள்ளம்” போல எனக் குறிப்பிடுவர்.

            தலைமுடி படியாமல் குச்சிபோல் நின்று கொண்டிருந்தால் “முள்ளம்பன்றி” தலை எனக் குறிப்பிடுவர்.  ஆனால் இன்று அப்படி தலைமுடியை வெட்டச்சொல்வதனைக் காணமுடிகிறது. காசு கொடுத்து அவ்வாறு  தலைமுடியை நிற்கவைக்கும் வழக்கம் வந்துவிட்டது. ஆனால் படியவைத்தலே பணிவின் பெருமையை உணர்த்தும். அது தலை முடியாக இருந்தாலும் சரி மன்னனின் மணி முடியாக இருந்தாலும் சரி. 

-   

NSS PROGRAM

 

    காஞ்சி மாமுனிவர் அரசினர்ப் பட்டமேற்படிப்பு மற்றும் ஆராய்ச்சி நிறுவனத்தில் மகாத்மா காந்தியடிகளின் 154 ஆவது பிறந்தநாள் நிகழ்ச்சி கொண்டாடும் வகையில் தூய்மைப்பணி மேற்கொள்ளப்படஉள்ளது.

தும்மல், மூக்கடைப்பு நெருங்காதிருக்க பதஞ்சலியார் சொல்லிய எளிய முறைகள்

 

 

 

முதுகெலும்பு வலி கழுத்துவலி இல்லாத குழந்தைகள் முதல் பெரியவர் வரை எவரும் செய்யலாம்.

மூன்று வேளையும் உணவு உண்ணும்முன் செய்யவேண்டியது.

முதலில் –

நிமிர்ந்து நன்றாக அமர்க.  இயல்பாக அமர்வதே சுகாசனம் – ஒரு உள்ளங்கை மேல் இன்னொரு உள்ளங்கை வைத்து மூச்சினை கவனிக்க. மெதுவாக 10 எண்ணிக்கை. மனம் அமைதி அடையும்

இரண்டாவது

நிமிர்ந்து முதுகெலும்பு நேராக அமர்க.  நடுவிரல், சுண்டு விரலை விட்டுவிட்டு மற்றா மூன்று விரல் நுனிகளைச் சேர்க்கவும். இரண்டு விரலையும் நீட்டி 2 முதல் 5 நிமிடம் வரை மூச்சை சீராக கவனிக்க.

 மூன்றாவது

மோதிர விரல் மடித்துவிடுக. சுண்டு விரல் நீட்டுக. மற்ற மூன்று விரல்நுனிகளைச் சேர்க்க. . ஒரு விரலை மட்டும் நீட்டி 2 முதல் 5 நிமிடம் வரை மூச்சை சீராக கவனிக்க.

 

உசட்டாசனம்

            வஜ்ராசனம்; - முட்டி போட்டுஇரண்டு கால்களிடைய அமர்தல். பின் வஜ்ராசனத்திலேயே நிமிர்ந்து இரண்டு கைகளால் இரண்டு கால்களை முன்னிருந்து பின்னோக்கிச் சென்று கால்களைப் பற்றுக. முடிந்தவரை பின்னால் கழுத்தை பூமிநோக்கித் தள்ளவும். மெதுவாக 10 எண்ணிக்கை. மனம் அமைதி அடையும்

 

பிறை ஆசனம் – நுரையீரல் சுத்தம்

            கால்களை ஒரு அகலமாக வைத்து நிற்க. பின்னால் வளைந்தால் விழாமல் இருக்க இரு கைகளையும் இடுப்பில் வைக்க. மெதுவாக பின்னால் முடிந்தவரை வளைக.

 

நிறைவாக

            சுகாசனம் – மெதுவாக மூச்சை இழுத்து , அடக்கி, விடவேண்டும். 5 எண்ணிக்கை அளவில் அளந்து விடுக.

            அனைத்து துன்பமும் ஓடிவிடும். வரவே வராது. வருமுன் காப்போம்.

பாரதி - பன்மொழிப்புலவர்

 

சின்னசாமி பெற்றெடுத்த பெரியசாமி

இலட்சுமி பெற்றெடுத்த சரஸ்வதி.

அவர் முண்டாசு கட்டிய பட்டாசு

என்பார்கள் . அது மட்டுமா

பகைவர்படையும் அவர்க்கு கால்தூசு

அவர் தமிழுக்கில்லை ஒரு மாசு.

தேசமும் தெய்வமும் இரு கண்கள்

பேச்சும் எழுத்தும் விண்மீன்கள்

 

சுப்பிரமணியன் ஆறு வயதில் ‘பாரதி’  ஆனார்.

தமிழ்க்கடவுள் கல்விக் கடவுளானார்.

யார் இந்த பாரதி ?

எத்தனை முறை கேட்டாலும் இனிக்கும்

ஏனென்றால்

அவன் வாழ்ந்த வாழ்க்கை இலக்கியமாய் கனக்கும்

பரங்கியன் ஆண்ட காலத்தில்

மண்ணுரிமை கொண்டோரெல்லாம் மண்டியிட்டுக் கிடந்தனர்.

அந்நியர் நம்மை அடிமையாக்கி  நாய்போல் நடத்திய காலத்தில்

‘அச்சமில்லை அச்சமில்லை’ எனத் துணிந்து நின்று நடுங்கவைத்தவர்.

வளைந்த முதுகெலும்பை பாட்டு சிகிச்சையால் நேராக்கினார் ; மதியைக்கூறாக்கினார்.

பாரதி உன்னால்தான் தமிழ் எழுத்துக்கள் அத்தனையும் ஆயுத எழுத்துக்களாய் மாறின.

பாரதத்தாயை வரைய வேண்டும் – செல்வத்தாயாகவா? அடிமைத்தளையில் சிக்குண்ட வறுமைத்தாயாகவா? எனக் கேட்டார் ஓவியர்

தாய் என்றும் தாயாகத்தான் இருக்கிறாள். காக்க வேண்டிய பிள்ளைகள்தான் பரங்கிய நரிகளின் கால்களைப் பிடித்தன.  அவள் என்ன செய்வாள்.

படையில் உள்ள யானைக்கும் குதிரைக்குமே தங்கத்தில் படாம் செய்து அழகுபார்த்தவள் தமிழ்த்தாய்.

நெற்றியில் அக்னிப்பொட்டைத் தவிர அனைத்தும் தங்கம்தான். அணிகலன்கள் அனைத்தும் அவள் சொத்து. அதை அணியமறந்தால் அதுவே பித்து.

            சொல்லில் உயர்வு தமிழ்ச்சொல்லே ; அதை தொழுது படித்திடடி பாப்பா என்றவர்

            செல்வ மிகுந்த இந்துஸ்தானம் – அதை  தினமும் புகழ்ந்திடடி பாப்பா

என்றார். தேசபக்தி குழந்தைக்கு அவசியம் என்றுணர்த்தியவர் பாரதியார்.

தமிழர்களை வட நாட்டார் வெறுத்த காலம் மலையேறிவிட்டது. தமிழைக் காசியோடு இணைத்தவன் பாரதி. அவன் கண்ட கனவால் இன்றும் தமிழர்கள் காசியில் தமிழ்பாடச் சென்றார்கள் ; வென்றார்கள்.

இரயில் பெட்டியில் இருக்கையில் அமரவிடாமல் விரட்டிய காலத்தை மாற்றினார்.  தமிழர்களை இன்று ஆரத்தி எடுத்து வரவேற்க வைத்தவன் பாரதி.

நீர் காசியில் வாழ்ந்ததால்தான் தமிழன் காசிக்குச் சென்றான்.

நீர் காஷ்மீரம் சென்றிருந்தால் அங்கும் தமிழன் சென்றிருப்பான்

நீர் முப்பத்தொன்பதில் வாழ்க்கைப்பயணத்தை முடித்துக்கொண்டாய்

ஆனாலும் நூற்றாண்டுக்குப் பின்னும் நீயே மாகாகவியாய் உள்ளத்தில் நின்றீர்.

‘மந்திரம்போல் வேண்டுமடா சொல்லின் இன்பம்’ என்று சொல்லிவிட்டுப்போகாமல்

 ஒவ்வொரு சொல்லையும் மந்திரமாக்கினாய்.

 திரைப்படத்திற்கு பெயர் வைப்பதற்குக்கூட உன் கவிதைப்புத்தகம் தான் அகராதியாகிறது.

அன்று நீர் எழுதிய கவிதைதான் வழிநடத்தியது. அதனால்தான் விடுதலைப்போராட்டம் விண்ணை முட்டியது.

வேடந்தாங்கள் பறவைகளாய் வாழ்ந்த நம்மை

வேடம் தாங்கி வணிகராய் வந்தவர்கள் நாடாளச் சூழ்ச்சிசெய்தார்கள்.

அவ்வலையில் சிக்கிய நாய்கள் எல்லாம் அவன்போட்ட ரொட்டித்துண்டுக்கு ஆசைப்பட்டு வளர்த்தவர்களையே கடிக்கத்தொடங்கின.

“மனதில் உறுதி வேண்டும் என்றாய்” உன் பாடலை கேட்டவர்க்கு சொரணை வந்தது ; அந்நியர்க்கு மட்டும் பயமே நின்றது. அதனால் தான் உன் கவிதைகளை குண்டுகள் எனச்சொல்லி ஆயுதம் தாங்கிய குற்றம் சொல்லி தேடிவந்தான். .

தேசியக்கொடியைப் பார்க்கும்போதெல்லாம் நீ எனக்குள் வந்துவிடுகிறாய்

செந்நிறம் உன் நெற்றித் திலகத்தையும்

வெந்நிறம் உன் கம்பீர முண்டாசையும்

பச்சைநிறம் உன் பசுமை மாறாத பாடல்களையும்

சக்கரம் உன் கண்ணன் பக்தியையும் நினைவுறுத்தி விடுகின்றன.

“தாயின் மணிக்கொடி பாரீர்” என உன் பாடலைப் பாடி மகிழ்கிறோம்

 

பன்மொழிப் புலவர் பாரதி. தமிழுக்கும் வடமொழிக்கும் பாலம் கட்டியவர் பாரதி. அதனால்தான் மொழி எல்லைகளைக் கடந்து ஒற்றுமையுடன் வாழமுடிந்தது. பிரிவினைப் பள்ளங்களைக் கடக்கமுடிந்தது. அதனால் தான் புண்ணியம் சேர்க்கும் காய்த்ரி மந்திரத்தை தமிழரும் பாடவேண்டும் என எண்ணினார் பாரதி

                    ஓம் பூர்புவஸ் வஹ ; 

                    தத் சதுர்வரேண்யம் ;

                    பர்கோ தேவஸ்ய தீமஹி ; 

                    தியோ யோஹ ப்ரசோதயாத்

.என்னும் மந்திரத்தை

                        செங்கதிரோனே தேவனே

                        சிறந்த ஒளியைத் தேர்கின்றோம்

                        எங்கள் அறிவைத் தூண்டிடுவாய்

                        நடத்திடுவாயே எம்மையே

எனப் பாடினான் பாரதி.

பாரதியே ! உன்னால் தமிழ் மட்டும் இமயம் தொடவில்லை

தமிழரும் இமயம் தொட்டனர்.

“திறமையான புலமையெனில் வெளிநாட்டார் அதை வணக்கம் செய்ய வேண்டுமென்றீர்”

தமிழ்க்கவிதைகளை  உலகக்கவிதைகளாகினாய் பாரதி  !

அப்படியென்றால் நீதான் தமிழுக்கு உண்மையான சாரதி !

நூறு வருடங்கள் ஆன பின்னும் உன் கவிதை புதுக்கவிதையாகவே வலம் வருகிறது. புது ரத்தம் தருகிறது.

உன் மீசையில் கூட பரங்கியன் முளைத்துவிடக்கூடாதென முப்பத்தொன்பதுக்குள் முந்தியவனே !

மீண்டும் நீ பிறக்க வேண்டும் என்பதனால் இன்றும் உன் 141 ஆவது பிறந்தநாளைக் கொண்டாடுகிறோம்.  மகாகவியே வணக்கம் ! உம் புகழ் இமயமாய் நிலைக்கும்.